【賴弘國話想對小朋友好】阿嬌擔心:有好多未知

廣告

廣告

廣告

做咗人妻嘅阿嬌(鍾欣潼),同台灣「醫界王陽明」賴弘國,今年5月喺美國洛杉磯結咗婚,嚟緊12月20日就會喺香港補擺喜酒。

廣告

唔知係咪做完人妻,阿嬌好想快啲做人母呢?最近佢拉埋老公參與大陸一個真人騷節目《爸媽學前班》,仲去咗英國取景。

阿嬌經理人Mani(霍汶希)噚晚喺微博貼咗阿嬌兩公婆上節目嘅相同片,阿嬌喺預和片段入面話︰「今次跟Michael上節目,有很多的未知。」個樣睇落好擔心咁。

廣告

至於佢老公就話︰「我也每天會讚揚老婆五次以上,我太太的五官是數一數二精致的,她的眼神,我覺得很清澈。」頭幾句聽落已經好骨痺,甜蜜放閃,多過似想學做阿爸阿媽喎!

噚晚就播咗第一集,仲有前體操冠軍劉璇兩夫婦,而四對夫婦入面,只有阿嬌呢一對未做人父母,佢哋要同英國育兒專家上堂學嘢。

節目入面阿嬌未學點樣湊仔,先學煮飯,佢喺節目入面話自己從來未煮過餐飯畀老公食。

而佢老公Michael亦話自己唔識煮,所以大家煮飯時,佢就搵啲嘢做,如負責洗碗、倒垃圾之類。阿嬌仲話自己係一個唔活躍嘅人,融入其他人當中係唔容易。

節目最後要四對夫婦總結一下首兩日嘅感受,Michael就話︰「我想很好地對小朋友,你好呀!明明我是很nice的,但是沒理我。」阿嬌亦有同感,Michael再話︰「我感到好疑惑,我想對他(指小朋友)好,但每次都被忽略。」阿嬌向老公提問︰「原來我們有相似的狀況出現。」Michael就寫下這個問題。奇怪喇!佢哋唔係未做人父母咩?咁Michael話想對小朋友好,個小朋友係邊個呢?

(蘋果日報)