藝人馬貫東憑處境劇《愛．回家之開心速遞》中最佳男友「秦博思」一角而迅速入屋，現實中的他不僅是暖男，更對家中愛貓「衰仔」無微不至。
早前「衰仔」離奇失蹤，令他非常擔心：「嗰日我拍緊《開心速遞》，家姐打嚟話貓貓唔見咗，我當時真係好嬲，喺度諗係咪佢哋出入嗰陣唔小心放咗隻貓出去，仲緊張到嚇親阿蟹（呂慧儀）同丹爺（劉丹），好彩當時場戲咁啱講我好嬲，先冇影響拍攝。」
差啲戲都拍唔到！
他續指幸好最後尋回「衰仔」，原來只是虛驚一場：「佢匿埋喺屋企一個好隱蔽嘅角落，我哋都要搬開晒啲嘢先救到佢出嚟，真係畀佢嚇死。」又表示雖然「衰仔」玩失蹤，但未有怪責牠，反而陪伴牠一整天以安撫其情緒，不愧為貼心暖男！
（on.cc）
