【自爆保養秘訣】52歲溫碧霞:都感染到囝囝

藝人溫碧霞身穿低胸Tube Dress到將軍澳出席品牌記者會。
講到工作計劃,她透露其工作室會投資一部電影講述少女成長的故事:「係關於調景嶺,呢個地方好特別,以前好多軍人住,我爹哋都係軍人,本身家底好好,但打仗所以嚟香港,咩都冇晒。我細個好窮,有好多難忘事,例如屋企打風嘅情況,又好難得先有雞食,但捱過先至識珍惜。(算係半自傳形式?)都唔係,係好多身邊朋友嘅真人真事。」

問到保養心得?她直言17歲已開始做Gym,多年來沒有間斷,最多只是婚後有一小段時間偷懶:「我細個鍾意做好多運動,踩單車、打乒乓波、打籃球,覺得出一身汗後個人充滿活力。(老公都鍾意運動?)都叻㗎!踢波同打高爾夫球都好叻,都感染到囝囝,多做運動、唔使死讀書,我自己近排仲做埋瑜伽,發覺瞓得好咗,因為以前工作完有好多畫面抽離唔到、會瞓唔到。(每日都做瑜珈?)係呀!會早一個鐘頭起身,甚至幾個鐘,我都係辛苦命,一直要搵嘢做,唔可以做少奶奶。」

 

 

 

 

(on.cc)