【剖腹誕下6磅龍鳳胎】突然出血要馬上開刀

昨天早上陣痛了4、5小時後,最後決定剖腹,為老公添上一對龍鳳胎,生產過程非常緊張,而新任媽媽接受傳媒訪問時說:「昨天早上7點突然出血,痛了2個鐘後決定到醫院。醫生說要馬上安排開刀,於是11點幾就出嚟,我都痛咗4、5個鐘。」

而爸爸就坦言對新生命來臨感到奇妙:「好神奇、好開心,但亦好有壓力,因為養小朋友要好多錢!(見BB出世緊張嗎?)我還好,Michelle就好緊張!其實身邊好多朋友都結晒婚生咗細路,但自己生嘅,始終感覺好唔一樣,依家人生新一頁開始,希望努力做嘢,仔、女快高長大!」

昨日早上蔡一鳳剖腹,為老公盛品儒添上一對6磅龍鳳胎 。恭喜恭喜!

蔡一鳳之前講過老公怕血,但都提出陪入產房,蔡一鳳當時好擔心話:「嘩,我建議佢唔好,佢入去暈低咗,都唔知救邊個。」

結果盛品儒入到產房無暈低,還幫忙剪臍帶,他直言好像發夢一樣:「好開心,但也有壓力,人生新的一頁開始了,加緊努力。」問到佢剪臍帶感受?盛品儒就形容:「我覺得有啲似剪腸粉咁……不過硬啲,好特別,好有成功感。」

 

 

 

(綜合報道 / on.cc / apple daily)