【恭喜恭喜】李施嬅好似中獎咁開心:喊100次都肯

無綫花旦李施嬅去年憑美國微電影《OnceMore》,分別榮獲《European Cinematography Awards》及《Los Angeles Film Awards》最佳女主角,成為雙料影后的她,原來在去年底靜悄悄地在加拿大拍攝了劇集《Blood And Water》(血與水)第三季。雖然得了獎項,但一切皆是由零開始,經過多次面試,撼低數百試鏡女演員才獲得角色,她坦言滿足感好大,好似中了六合彩一樣開心:「試鏡幾好玩,監製、導演唔識我,靠自己嘅演技、實力爭取到角色,真係好開心。」

李施嬅認真練習揸槍演好殺手一角。

與敵對峙時連眼神都有戲!

睇得又打得

入行十五年的李施嬅漸漸被定型為斯文靚女的類型,但今次拍加拿大劇集竟然被睇中演動作角色,同以往嘅角色完全唔同,由黑警演到殺手,內心複雜,充滿黑暗面:「喺香港大家會覺得我啱做文靜、斯文角色,唔會諗到搵我去打、凶神惡煞、黑警、開槍駁火呢啲角色,但有人覺得我係得,希望香港會留意到,第日會有多啲唔同類型嘅角色去演,自己覺得能夠做到唔同角色先係真正演員。」

導演要求高

李施嬅指今次合作的外國導演,認真態度及對演員要求之高,令她眼界大開,她對自己的要求也提高,心裏有團火,希望快點接到新角色挑戰自己:「最難忘係臨尾一場喊戲,導演足足要求我喊咗十三次,導演想試唔同變化,我就跟住指示不斷試,佢話要做A List演員,導演要求做一百次都要做到,聽完呢句說話,我同自己講要做A List演員,每一個Take都要求做到一百分。」

(on.cc)