【要有人讓步】阿嬌要為生B放棄事業!?

藝人鍾欣潼(阿嬌)與台灣「醫界男神」賴弘國(Michael)今年5月於美國舉行浪漫婚禮,婚後恩愛到爆,時不時都會喺社交網放閃!

最近佢哋參加大陸真人騷《爸媽學前班》學做父母,令更多網民關心佢哋幾時先會造人成功,希望佢哋快D生B。但係如果阿嬌真係要生BB,要放棄事業嘅話。。。

喺最新一集《爸媽》入面,賴弘國繼續狂讚老婆:「有我看過亞洲五官是數一數二精緻的」,仲話阿嬌眼神清澈乾淨、勇敢、夠成熟等等,真係超肉麻!

不過呢啲都唔係重點。之後賴弘國話題一轉,講到有咗小朋友之後嘅生活。佢表示二人工作都好忙,所以要有一人「讓步」,賴弘國就話:「我們倆的事業都很忙,誰應該放棄事業,或者誰應該放棄事業處理這個事情,這是我們之間比較大的問題……」

聽到托晒頭嘅阿嬌就當眾爆:「即係佢依家嗌我唔好做嘢……」

立即嚇到賴弘國耍手擰頭,仲急急問埋專家意見,睇嚟二人對生B呢個話題都未有共識啵……

(on.cc)