【恭喜陸生陸太!】苟芸慧主動錫錫老公

    現年35歲的苟芸慧,上月18日已經成為「陸太」,與拍拖年半、錫礦大王後人陸漢洋(William)在加拿大神秘註冊。一對新人分別會於今、明兩天在上水雙魚河鄉村會所補擺喜酒,同一眾親友分享喜悅。

    於今晚婚宴舉行前,兩人中午先在會所設午宴,邀請傳媒出席參與。午宴以西式形式舉行,除了頭盤有湯和風乾火腿及甜品、咖啡,主菜可選煎鱸魚或焗雞,入場賓客每人更有一份護膚品及純銀鈔票夾作為回禮禮物。

    午宴現場先播出接新娘片段,雖然一對新人已於上月在多倫多舉行婚禮,但今日午宴上,一對新人進行切蛋糕儀式同祝酒碰杯。

    司儀問係咪要鍚鍚,新娘就笑:「你唔知呀?」跟住佢主動拉新郎嘴對嘴錫咗兩次。

    新郎之後致辭,佢先以英文話好謝朋友遠道而來出席佢婚禮,又話:「酒微菜薄,招呼唔到,希望大家享受今日嘅lunch。」司儀話大家好想睇William唱歌跳舞,陣間video會有佢唱歌跳舞。現場播一對新人拍嘅甜蜜video。

    (Apple Daily)

    SHARE