「中間我們試過不同的方法，自然的、非自然的也有，坦白說也有過成功，可惜最後還是流產過2次。經歷既恐怖又傷心，所以都算是難懷孕的一對，正當我們想放棄。。。」
前英皇小花何嘉莉（Lillian）尋日出席活動承認懷有第三胎，現時佗B四個月嘅佢，上半年其實一直被婦女病纏繞，所以完全冇諗過自己會再度懷孕。
今日佢喺IG分享懷孕心情，相中着住Bra Top嘅佢，身形真係好Fit，腰間都係粗咗少少！仲自爆佗囡囡Zoe之前原來曾小產過兩次：「在Baby Zoe之前其實嘗試懷孕2年都沒有結果，中間我們試過不同的方法，自然的、非自然的也有，坦白說也有過成功，可惜最後還是流產過2次。經歷既恐怖又傷心，所以都算是難懷孕的一對，正當我們想放棄，停一停讓身心休息一下的時候，很幸運上天就送給我可愛的Baby Zoe了，所以我們都完全沒有想過我們能夠再次懷孕，而且還這麼容易。」
唔少網友都叫佢要加油，照顧三位小朋友真係唔易呀！
而好姊妹黃依汶（Emme）坦言一早已經知道：「嗰次食飯，佢都有同我講：大鑊啦！講真，湊三個一啲都唔簡單，呢個係上天畀佢禮物，何嘉莉啱啱生完，對佢嚟講一定有壓力，加上佢要搬屋，不過作為朋友我會恭喜佢，因為小朋友帶畀我哋歡樂。」
(綜合報道)
