苟芸慧同陸漢洋昨日舉行童話式婚禮。
相關新聞：
【要生夠4個B 陸漢洋為冧老婆扮野獸：一世唔夠，要愛你三生三世】https://goo.gl/V3sv6R
【恭喜陸生陸太！苟芸慧主動錫錫老公】https://goo.gl/W8uPYS
【苟芸慧出嫁 姊妹團都Get Ready啦：Byebye處女黨】https://goo.gl/LzwJFd
【童話式婚禮超浪漫 苟芸慧曬170萬三卡巨鑽】https://goo.gl/X5d6PJ
【拍拖三個月去拜山 當日苟芸慧一口答應令陸漢洋超感動】https://goo.gl/Z17B2d
苟姑娘出名靚爆，姊妹團就一定唔會失禮，佢仲好有心思，因為自己姓苟，搵齊9個姊妹陪嫁，到底有邊9個呢？
開估，「9姊妹」分別係王君馨、李亞男、伍詠薇、岑麗香、簡慕華、潘曉彤、梁嘉琪、倪晨曦同一位圈外朋友，真係個個都咁索！
眾姊妹喺婚宴會有少少分享環節，歡迎茍姑娘成為人妻、加入「人妻黨」。亞男已懷孕7個月，見佢仍然身手靈活，佢笑言已第十次做姊妹：「做埋今次可以退休，係生B前完成晒，好感動，好開心！頭先BB第一次做花女，影相時都feel到佢郁，feel到佢好有表演慾。」
香香就笑言大家做咗人妻都唔係好耐：「都有少少嘢可以分享，都驚今晚講到喊。」御夫術呢？亞男就話：「其實早前我同祖藍有見過婚姻輔導，我哋就將呢個婚姻輔導介紹咗畀佢哋兩公婆，點知佢哋好努力上堂，仲勤力過我同祖藍。」
再問會唔會教佢做財政大臣，掌管財政，王君馨就話：「我覺得Christine（茍姑娘）都唔係好識睇錢，而且佢好多興趣，我哋反而教佢點儲錢，唔好使晒。」
雖然鍾嘉欣嚟唔到，但眾姊妹已不斷將流程同相片send俾佢睇，仲話開Facetime直擊。香香表示：「我哋一齊影相，都預留咗個位畀佢0架！」真係好感動！
身在溫哥華嘅鍾嘉欣未能出席苟芸慧婚宴，佢接受訪問時話﹕「現在係溫哥華時間凌晨四點幾，我喺呢度祝福Christine同William白頭到老、年生貴子、永結同心、幸福滿瀉。咁之前Christine喺多倫多有wedding時，佢之後過咗嚟溫哥華，佢過嚟探我同BB，我已經送咗禮物俾佢喇！」
佢都有拍片話雖然嚟唔到，都要送啲嘢畀姊妹，然後就唱咗首英文歌。
(綜合報道)
