歌手關楚耀（Kelvin）出席美容中心開幕活動，媽咪亦有陪同到賀。Kelvin透露兩、三年前已和這間店有合作，坦言因為體毛多，所以都有脫腋毛，至於現在不用脫毛，但想護膚：「肌肉同顏值都要提升，依家好多小鮮肉，長江後浪推前浪，要保養吓，唔想做臘肉，點都要Keep。」
他又指事關明年1月於澳門開個唱，要做好準備。問到可會show肌？他說：「考慮吓先，因之前兩次開騷都騷過，想人留意番自己音樂，唔做脫星。」
提到日前他與張曦雯上節目《美女廚房》，兩人在節目中不時冧爆眉來眼去。
現時單身的Kelvin，當大家讚張曦雯OK時，他都好認同說：「真係超OK呀！（抄咗人牌未？）之前已經識佢，佢真係識煮喎。（對佢有再加分？）已經好高分。」
他坦言那天有好多回憶，承認被對方電親：「仲係行雷閃電嗰隻電。（追佢？）發完夢就算，真係Friend嚟咋，唔好亂嚟。」
（on.cc）
