【同場仲有佗緊B嘅佢!】大肚吳日言:最好唔好嗰日出世

廣告

近日有唔少星媽先後「卸貨」誕B,有剛剛報喜嘅李美慧啦、仲有臨生前都密密去旅行嘅林芊妤(Coffee)等等,而同Coffee差唔多時間佗B嘅,仲有吳日言(Yan)。

廣告

日前Yan喺IG PO咗同啱啱坐完月嘅利嘉兒合照,留言話見到Lily收身同復原得好快,覺得佢超犀利!

佢仲講到見到好多朋友都相繼「卸貨」,而好快就輪到自己,心情開始緊張。

而Yan噚日就去咗一間新開嘅嬰兒用品店,已經佗B八個幾月嘅Yan好細心咁睇緊嬰兒用品,仲留言話:「我在幻想BB在床的時候,到底是甚麼感覺?」

Yan之前講過預產期喺12月,亦想順產,佢繼續話:「這刻我依然想自然分娩,比起開刀媽媽,我心情實在太忐忑,感覺如同等候行刑,所以望下BB產品,可以讓我放鬆點。」

同場原來仲有另一個準媽咪!而BB預產期都係喺12月,真係超有緣~

兩個肚都好大,Yan話:「我其實會早過Monie(董敏莉)生,不過佢擇咗日子,但我想順產,呢排見到咁多人生係有啲緊張,因為佢哋個個都開刀,但自己就好似冇一個日子咁,感覺就只有等,會諗吓幾時會陣痛呢咁。之前去做按摩,啲按摩師都話我有啲崩緊,呢排情緒都係波動咗嘅。」

Yan又講笑話:「我生日係11月25日,好多人都估BB會唔會同我同一日生日,但我要同BB溝通下,因為嗰日係星期日,最好唔好嗰日出世,因為紅日出世會好貴。」

Yan仲PO咗IG Story,見到呢兩位媽咪都冇忍口,邊食邊有傾有講,唔知佢哋肚入面個B出世後係咪都會似媽咪咁friend呢?

(綜合報道/Apple daily)