【14年後兩師徒再度合體!】胡定欣:佢透過楊怡搵我

    獲多位好友現身撐場,包括「徒弟」胡定欣、唐文龍、唐貝詩姊妹二人等,場面熱鬧!佢表示個party原定上月舉行,但遇著超級颱風「山竹」襲港,唯有順延至昨晚,可以同眾多好友相聚真係超感動:「有同佢哋講唔好送禮物畀我,轉為捐錢去關注自閉症兒童嘅慈善團體,咁樣我仲開心。」

    其中一位似乎係同佢唔同年齡層嘅人,佢就係胡定欣。

    但點解胡定欣同翁虹有師徒關係!?胡定欣之後就喺IG PO相,仲留言解畫︰「大家還記得《大唐雙龍傳》劇裡面,我的師傅翁虹嗎?時間過得太快了,戲在03年拍,之後見過一次到現在,我們已經大概有14年沒見!有緣的話,一定會再見,原來今年是師傅入行30年,亦都是她25歲生日,她透過楊怡找我…哈哈好像尋親,邀請我岀席今晚的慶祝晚宴!師傅,你真的真的真的天生麗質,依然美麗動人,這就是凍齡嗎?再一次祝你生日快樂,身體健康,KEEP住咁靚。」


    翁虹飾演大反派「祝玉妍」,佢係陰睽派掌門,而佢嘅徒弟「婠婠」就係由胡定欣飾演,「婠婠」鍾情吳卓羲演嘅「徐子陵」。


    《大唐雙龍傳》係由林峯、吳卓羲、楊怡同唐寧主演,當年胡定欣出道冇耐就已經喺劇入面做第三女主角,好有潛力!

    (綜合報導/Apple daily)

    SHARE