【囡囡超叻不過就…】李漫芬:激死我!

    李漫芬(Fanny)上年2月與圈外男友談成坤拉埋天窗,婚後半年左右就報喜啦!高齡佗B自然就要小心啲:「初初嗰時都要瞓床一段時間,係最辛苦,都驚佗唔穩。醫生叫我多啲休息。」

    不過當時陣痛咗31個小時BB都唔肯出嚟,要緊急開刀,囡囡談在心最後喺愚人節出世。

    囡囡原來已經六個半月大,愈大愈可愛!

    同爸爸餅印咁!

    但Fanny就有啲呷醋咁話:「佢成日嗌爸爸,唔識叫媽媽,乜都爸爸,教極都唔嗌媽媽,激死我!」

    Alvin幫在心影相嗰陣,囡囡就好醒咁賣萌,嘟哂嘴仔超得意!仲好似想錫爸爸咁,果然係前世小情人!爸爸就梗係冧到爆啦~

    有女萬事足的Fanny笑笑口咁話囡囡影相時好識擺Pose:「試過叫佢影相,佢就扭Pat Pat擺甫士。」

    超叻豬!遺傳咗媽媽嘅演藝天分呀~

    原來Fanny都有份客串熱播劇《跳躍生命線》,佢飾演張彥博家姐!佢就話好鐘意演戲,希望可以挑戰更多角色。

    (綜合報道)

    SHARE