吳千語與身家過百億嘅「富三代」施伯雄（Brian）拍拖，但依家就冇同林峯相戀時咁高調，每次都係話﹕「睇下緣份，睇下大家有冇多啲時間相處。」
不過，千語上周就被踢爆與Brian蜜遊歐洲，仲配合男友嘅慳家性格，坐經濟機位返香港，被影到一齊返舊山頂道嘅寓所，即係林峯屋企對面屋苑，被指與Brian同居。
當日千語罕有地喺IG作出澄清，貼咗一張滿身名牌嘅相片後留言﹕「#包包品牌送 #房子自己租 #別亂寫啦」。但就被唔少網民抨擊話解釋都冇用，搞到千語嬲豬再留言﹕「唔澄清俾人話唔澄清，澄清俾人話唔澄清好啲，做人好難。」
之後索性連個post都刪除埋，只剩下靚相。
(Apple daily)
