陳榮峻一度自責︰「自己嗰心咁諗，點解又係我，梗係呢啲嘢，成日都發生喺我身上……」
63歲陳榮峻同58歲吳香倫，黃昏戀修成正果，並於今年7月共諧連理，隨即去旅行度蜜月。
度蜜月
最近有報道指，他們計劃7月12日出發去度蜜月之前，太太吳香倫因久咳未癒，睇醫生發現患上肺炎，差一點去不到度蜜月。
問到太太為何突然染上肺炎？陳榮峻接受傳媒訪問︰「可能嗰輪忙過頭（指結婚期間），睇過醫生都冇嘢。」由於八年前陳榮峻第一任太太，因腦溢血而離世，和吳香倫再婚，太太就有事，陳榮峻一度自責︰「自己嗰心咁諗，點解又係我，梗係呢啲嘢，成日都發生喺我身上，因為肺炎可大可小，而家仲有一種係嚴重肺炎，（佢嗰種係嚴重？）係嚴重，睇到張肺片就知嚴重啦！一邊肺冇咗，另一邊肺三分之一冇咗，花晒。」
提到當天的經歷，陳榮峻表示其家庭醫生叫他們拿著肺片去急症室，急症室醫生說沒有任何事︰「話小意思，花晒都小意思，我個西醫都話，唔係嘛！咁都話冇事，咁我個私家醫生，叫我第日攞肺片返去，佢搵專科醫生睇，如果係肺炎畀我哋出埠去度蜜月；如果係肺結核，佢就會通知衛生署，禁止我哋出境，醫生仲話︰『你唔好諗住偷走，你冇得走。』」
陳榮峻的女兒在紐西蘭當護士，然後他說：「佢睇到張片，都話咁都冇事？真係唔知香港嘅醫療，好在佢唔係喺香港做，唔係激到嘔血。」
到出發度蜜月當日下午4點，醫生通知陳榮峻，太太吳香倫只係肺炎︰「肺炎都要好小心，要準時食藥，旅行返嚟醫生話唔好再照肺，叫我哋直接去政府嘅胸肺科，佢哋話好嚴重，點解而家先嚟睇，我話你哋醫生話冇事，胸肺科醫生話，邊個話冇事呀。」
陳榮峻續道︰「當時太太冇發燒，但含氧量低，睇番兩張片對比係有好轉，但都係嚴重，一係入院，一係返屋企食藥，香倫就話剛剛結婚，唔想入院，佢食咗60日抗生素，食到個人都呆晒。」
現在休息了一段時間，陳榮峻表示太太差不多完全康復，「醫生話唔使食西藥住，（而家有冇開工？）開工只係一日半日，今日行山都行唔到，佢好氣速，行吓要坐。」
（綜合報道 / apple daily）
