名模周汶錡（Kathy）出席籌款晚宴活動。
談及大仔Jacques今年萬聖節再扮吸血殭屍，佢笑言：「佢上年都試過一次呢個造型，佢好鍾意扮吸血殭屍，叫佢轉扮其他嘢都唔肯。」
Jacques這一身的裝扮好可愛呀！
「（有冇出去慶祝萬聖節？）琴晚有帶佢哋去敲門問人攞糖，細佬見到骷髏骨都有啲驚，嚇到係咁叫媽咪，不過最後佢攞糖仲多過哥哥，因為我哋教哥哥每次攞嘢只可以攞一樣，所以佢去每間屋都只係攞一粒糖。」
講到兩個囝囝都開始返學，Kathy指細仔喜歡返學，好動同鍾意游水，反而大仔開初不太願意上堂，比較斯文，還未融入到校園生活。
「因為我想佢學廣東話，Jacques讀全廣東話學校，所以佢未係好同到同學仔溝通。不過佢嘅廣東話進步咗好多，我之前飛咗去外地兩個星期，佢識講多咗好多嘢，仲識唱唔少學校嘅中文歌，都叫有啲成績。」
（綜合報道 / ig / apple daily）
