藝人陳凱琳（Grace）、龔嘉欣、譚凱琪同沈卓盈組成嘅「少婦聯盟」一向感情要好，雖然佢哋各有各忙，但係點都會抽時間見面。
早前就係凱琪生日，Grace就喺社交網上載多張同凱琪補祝生日照，見到佢哋就去咗食美食，當然仲唔少得一個靚靚蛋糕，四位美女笑得超甜。
Grace仲話：「傾到間餐廳閂門為止⋯⋯對我地（哋）來講係正常嘅 Happy Belated Birthday Zoie dear! #少婦聯盟」而嘉欣亦有留言話：「少婦聯盟嘅傾計（偈）能力， 真係唔可以低估， 每一次聚會都傾足六七個鐘， 無間斷嗰隻 ，今次仲傾到餐廳閂門先肯走， 冇辦法啦， 真係太多嘢傾！」網民都搞笑話一班女仔圍住一齊談天說地，真係口水多過浪花，口水多到可以淹沒間餐廳！
（ig / 綜合報道 / on.cc）
