【超耐冇見!】攬實坐月李美慧

    31歲前港姐李美慧(Vivi)與百億富商曾文豪於今年7月結婚。

    日前更喺社交網PO一家三口溫馨合照宣佈平安誕下B女:「我們的小糖心」,唔少網民都送上祝福!

    Vivi老公錫到佢燶,為佢喺法國自購的莊園搞海陸空結婚party兼度蜜月,真係Sweet到暈~

    Vivi佗B都仲係咁Fit,仲透露自己只係重咗10KG,佢分享心得:「個個都問我點解仲可以咁瘦,我好俾心機去Keep㗎☺️每日食一餐有營養的,晚飯沒有應酬的話,就可免則免。不過我好少肚餓,因為有隻‘無影腳’頂住我個胃🤣到依家我一共肥了10kg」


    李美慧之前表示會餵人奶,努力回復狀態後先會復出。好多圈中好友都有嚟探坐緊月嘅佢同BB。

    連佢都有嚟!

    佢就係近年主力內地發展事業,甚少在港露面嘅前港姐馬賽。

    李美慧喺IG PO咗張相,見佢抱住B女同馬賽合照,佢留言話:「有朋之(自)遠方來,不亦樂乎。」相中馬賽神采發揚,網民見到之後都話好掛住佢。

    不過就有網民將重點放咗喺B女到,問BB點解冇着上衫、只係着住條尿片就影相,小心冷親呀!

    (綜合報道/on.cc)

    SHARE