【「跟得夫人」腳頭好】被爆明年十月拉埋天窗!

於2016年底被爆撻著富二代男友,二人感情穩定,之後大方認愛,仲愈愛愈高調添!

幾忙都好,都會陪住男友同未來老爺奶奶入馬場觀戰,做「跟得夫人」,腳頭仲好好,男友名下愛駒奪得佳績!

被爆明年十月結婚!

同超蓮係好姊妹!

28歲嘅王灝兒(JW)不時陪男友周圍應酬見朋友,男友亦經常喺佢工作期間陪伴左右。

今日有周刊報道指JW好事近,定咗明年10月結婚!

報道仲話佢好識得冧男友,完全唔識煮嘢食但都會為咗男友去學整蛋糕~

講到明年婚期,JW今日接受訪問,佢透過短訊回覆話:「Of coz not laaaaaa! 」仲話:「通常咁多閨蜜講嘢,都唔係真啦!」

JW男友Tarzan就回覆:「我今日都有好多朋友send呢段新聞俾我睇,我同JW都覺得好好笑,當然我哋大家都有共識啦,肯定唔係好似報道所講下年10月,現時我哋大家都係focus係事業為先,嚟緊佢又會喺澳門有演唱會,我都會到場支持!我又有好多唔同嘅Project做緊都未得閒諗呢啲嘢住!如果有機會一定通知大家,多謝。」

(Apple daily)