【曾被批冇可能結婚生仔】車婉婉激動到喊

    上年3月28號,車婉婉中澳混血兒老公Jonathon誕下囝囝BBQ。

    BBQ出世之後,婉婉簡直係「B不離手」,錫到仔仔燶。

    但其實BBQ得來不易,婉婉透露過前幾年曾去做身體檢查,醫生講嘅數據令佢打定輸數冇乜機會生到B。而佢自己亦一早已經打定輸數。

    但估唔到嘅係43歲婉婉最後竟然可以自然懷孕,佢指BBQ絕對係上天送畀自己同老公嘅禮物!

    高齡佗B自然唔容易,婉婉抱著又緊張又期待嘅心情去迎接BBQ。

    昨晚佢出席基督教音樂會,罕有分享初入行時嘅事。

    佢指剛入行嗰陣曾有相士批佢冇可能結婚生子,講講下仲激動落淚。

    後來機緣巧合之下改變信仰、戒煙,又識到依家嘅老公、驚喜懷孕誕下BBQ,一家三口幸福美滿~

    婉婉又提到新劇《是咁的,法官閣下》反應唔錯,雖然自己嘅戲分唔算多,但就拍得好開心。

    佢話︰「當時BBQ得5個月大,我抱住佢去見監製。囝囝依家見到我喺電視出現非常興奮,要工人姐姐抱佢入電視機搵媽媽。」

    (綜合報道)

    SHARE