大美人李嘉欣（Michele）於08年與中建太子爺許晉亨拉埋天窗，結婚十年依然恩愛如昔。
當年以41歲高齡誕下兒子Jayden，自然勁錫仔仔～有時都會曬下一家三口溫馨合照！
嘉欣昨晚就喺社交網PO咗一張老公許晉亨同仔仔Jayden嘅合照，仲落埋hashtag「#估惑父子」。
相中Jayden抱住爸爸一齊睇賽事直播，而嘉欣就喺後面影低佢哋嘅背影，Jayden攬到爹哋好實，兩父子面貼面超有愛！
點解咁肉緊？原來係嘉欣老爺許世勳旗下愛駒之一「估惑」昨晚喺沙田馬場第三場泥地賽1,650米出賽，睇嚟佢哋係喺電視機前為「估惑」出賽打氣。
「估惑」最尾成功奪冠，廿四孝新抱嘉欣雖然今次冇入馬場，但都有留言恭喜老爺，有好多網民都留言話相中嘅背影好溫馨、幸福呀！
(綜合報道)
