【坦言呢胎佗得好辛苦】34歲前港姐宣佈佗第二胎!

    34歲前港姐在2015年與金融才俊Nathan結婚,翌年在香港誕下囡囡Leora。事隔兩年後的今天,於社交網孖囡囡一起宣佈再度懷孕了!

    她發文:「踏入11月啦。呢個月份亦都係我嘅生日月份。好想同大家分享一個喜訊就係我再一次懷孕啦。

    今次陀(佗)BB比上一次辛苦同埋攰好多,真係每日淨係想黐住張床,不過係唔可以嘅,因為我仲要照顧我個女。作吐作悶嘅次數亦都多咗,聞到有油煙味都會感到不適。

    話雖如此,我好感恩同埋好開心上天送一份咁大嘅生日禮物俾我。一諗起將來多一個小朋友會帶比我哋一家人嘅歡樂,所有辛苦都變得值得。

    有人話養兒100歲長憂99歲,計我話係長喜99至真。我依家真係好想我嘅energy快啲返嚟,等我可以計劃我嘅baby-moon. 你話我去邊好呢意大利,馬爾代夫,定日本?

    #意大利又驚天氣凍 #馬爾代夫又唔知適唔適合大肚婆 #日本又唔知會唔會啲輻射影響 #大家有咩提議呢 #mamacollege #小寶貝做家姐啦 #希望BB身體健康 #係(喺)我個肚入邊健康成長」

    34歲前港姐張嘉兒還上載一條短片,影片中問大女Leora:「媽咪個肚有乜?」Leora就回答:「有BB。」張嘉兒再問:「有乜話?」Leora再次好肯定地答媽媽:「有BB。」

    這個時候張嘉兒就叫囡囡親一下媽咪,Leora好乖錫錫媽咪,氹到張嘉兒好開心。

    有傳媒聯絡過張嘉兒,被問到佗第二胎情況,嘉兒說:「佗呢胎辛苦好多,因為同時湊囡囡,多咗作嘔作悶感覺,而家啱啱有咗3個幾月,預產期5月,依家有開始同囡囡講肚裏邊有BB,佢會錫吓我肚,佢又聽吓我個肚,可能佢以為個BB屬於佢,佢唔畀我老公聽我個肚。」

    張嘉兒在2015年與金融才俊Nathan結婚,家裏很快就添上新成員了!恭喜恭喜!

     

     

     

     

    (ig / 綜合報道)

     

     

     

     

     

     

    SHARE