胡定欣和陳煒昨晚一同出席《2019無綫節目巡禮》，早前有報導指兩人最近因視后之爭傳不和，近日更傳定欣拉大隊杯葛陳煒(相關新聞：https://goo.gl/8YHCTf)。
之前已經有傳二人自拍《宮心計2深宮計》後不和。
對此，定欣講笑認不和：「我特登呀！我冇去新加坡，煒哥就冇去馬來西亞，係最後一日先同場，因為唔想見到大家呀！」問到會否因傳聞影響感情？陳煒說：「得啖笑，可以第一日話我哋糖黐豆，第二日水溝油，第三日就話我哋互相毆鬥喇！」
定欣亦表示沒有影響感情，問她是否很想再奪視后？她說：「新聞寫啫！我好支持煒哥，每年呢個時候都有呢啲新聞。（覺得炒熱個頒獎禮？）都係，套劇五月播，依家攤凍咗，有呢啲新聞畀大家溫故知新。（你拎過兩次，讓下陳煒？）唔使我讓，佢有足夠能力同條件拎。」
對於舊愛陳展鵬與現任太太單文柔亦在場，可是跟他們似乎冇交流，定欣沒好氣說：「呢個都唔係問題，我唔識答，我有見到佢，好似同事咁打招呼，之前都恭喜咗佢結婚。」記者催她也盡快搵另一半，她即拖住身旁的陳煒。
(on.cc)
