排位向來都係藝人地位指標。
《2019無綫節目巡禮》昨晚在將軍澳電視城舉行，將來年的劇集節目向現場客戶大晒冷。近二百名無綫藝員昨晚出席節目巡禮。
現場客戶有機會跟藝員合照，最受歡迎的是馬國明、胡定欣及王浩信，客戶排隊索合照。
活動上宣布明年播放的劇集並播出片花，包括《白色強人》、《多功能老婆》、《殺手》、《鐵探》、《解決師》、《包青天再起風雲》等，另外尚有六套新劇《極度怪咖》、《黃金有罪》、《降魔的2.0》、《法證先鋒IV》、《禍後》及《唐人街》。
每年大合照都顯示地位，去屆視帝王浩信企正中間，隔籬是胡定欣、馬國明、黃智雯、袁偉豪，另一邊是唐詩詠、陳展鵬、田蕊妮、郭晉安。
對於企中間，王浩信說：「可能我同詩詠嚟緊有劇出，做好每次機會啦！唔係擺邊度都冇用。」講到明年只得一套新劇，詩詠承認產量是減少：「依家拍劇時間長咗，重質素多啲。」
浩信亦說：「以前一晚拍十場，依家單機拍，一晚可能得五、六場，時間自然長咗，質素都會提高。（有信心冧莊視帝？）劇集《兄弟》未播，到時再睇觀眾反應啦！」
(on.cc)
