娛樂圈年尾喜事連連，藝人輪流結婚生B，結婚就有阿嬌同賴弘國、林師傑同歐陽巧瑩！
佢哋早前已經分別入紙排期，好快就舉行婚禮！
除咗呢兩對之外，入紙排期註冊結婚嘅仲有佢哋！
江若琳與男友「生煎王」蕭潤邦（Oscar）正忙於籌備下月在港舉行的婚禮，今個月頭二人正式在港入紙排期註冊結婚，「擬結婚通知書」正式曝光。當中蕭潤邦職業報稱Director，而江若琳（原名:江玲）報稱居住筲箕灣，而男友的住址則在馬鞍山區。
早前已經過咗大禮，Oscar對未婚妻真係如珠如寶咁～非常恩愛！
江若琳與蕭潤邦同是2007年出道的歌手，相識十年一直都是好朋友，惟江若琳去年四月突然喺社交網宣布同Oscar拍拖，自此二人愛得如膠似漆、形影不離，更不時外出旅行並在社交網放閃。
下個月23日便會在港結婚並舉行婚宴，有情人終成眷屬！
(on.cc)
