【對方坦言打到手都痛】王浩信新劇又慘被連摑百巴!

廣告

藝人王浩信已先後兩次於劇集被掌摑的浩信,今次再於新劇重演「兜巴信」經典場面,被她連摑逾百巴!

廣告

廣告

廣告

於《名媛望族》被劉松仁打了13巴

再於《法外風雲》被心姐謝雪心又打24巴,真的……見到都好痛!

今次行動再升級,一百巴掌!

廣告

對於該場掌摑戲份,浩信坦言明白出手的人會較被打者驚慌,故為了快快順利完成,特別示範一次,他說:「呢方面我有經驗,劇入面講我昏迷咗,江嘉敏要摑醒我,好彩冇畀佢摑到暈啫!(最甘係今次?)又唔係,應該係劉松仁摑嗰次,佢本身識氣功,所以都叫做收咗手,呢幕都有畀網民做咗Gif圖,叫做算係對網絡世界有啲貢獻,希望到時呢套劇出街都會多啲Cap圖畀網民去玩啦!」

問到可有信心憑該劇冧莊做視帝?浩信坦言未敢多想,只望劇集播出後獲觀眾喜愛,亦寄望該劇能於頒獎禮上獲「最佳劇集獎」,那會否為自己拉票?他說:「自己拉票有啲尷尬。(叫個女喺學校幫手呼籲?)等我同佢講聲,不過最緊要都係佢畀心機讀書。」

而對手江嘉敏表示劇中其他女演員均有動作戲,但她唯一的動作戲卻是掌摑浩信,一Take摑了30、40巴,但最終要三Take才完成:「佢有自摑一次畀我睇,打嗰時我加埋真係打咗佢百幾巴,每一次都係真打。開頭都有就住打,但浩信叫我要出啲力先逼真,所以打到佢塊面紅晒,連我隻手都打到痛,真係唔好意思,希望佢唔好嬲我啦!」

 

 

 

(綜合報道 / on.cc)