「木偶哥」林師傑同歐陽巧瑩今個月22日結婚，上星期一林師傑搵埋兄弟楊潮凱、周志康幫手過大禮，之後一齊同女方家人飲茶，學定湊仔。
準新娘歐陽巧瑩下午於社交網上載兩張相，一張係佢着住婚紗露背嘅側面相，提醒大家好快就係佢大日子。
另一張就扮貓、騎住未婚夫林師傑，而林師傑就烏前，抱起佢隻狗。
歐陽巧瑩仲話近排真係好，要去日本參加家姐婚禮、出席台慶節目、排婚禮座位表、試衫、確定賓客同確同行程。
佢回覆傳媒時都話：「心情唔緊張只不過有好多突發事，同好多嘢要double confirm。」佢仲透露，兄弟姊妹團因為有工作嘅突發事等，目前出現變數，但佢都好淡定話：「上天好眷顧我哋嘅。」
林師傑都有放相上fb，呢張相好有創意，見歐陽巧瑩坐喺地，抱住林師傑隻腳，而林師傑就作狀好抗拒，用身體語言講你知，佢似乎唔想咁快做老婆奴。
(綜合報道 / apple daily)
