苟芸慧（苟姑娘）同陸漢洋上月舉行童話式婚禮，而苟姑娘就超有心思咁搵咗「9姊妹」做姊妹團，包括有「處女黨」成員王君馨、李亞男、岑麗香，仲有伍詠薇、簡慕華、潘曉彤、梁嘉琪、倪晨曦同一位圈外朋友(相關新聞：https://goo.gl/93SFuY)，相信大家都留意到差咁一個，佢就係鍾嘉欣喇！
嘉欣9月時誕下仔仔Jared，所以未能返香港出席好姊妹婚禮。佢當時都有拍片話雖然嚟唔到，都要送啲嘢畀姊妹，然後就唱咗首英文歌。
不過苟姑娘並冇唔記得對方，今日佢喺Instagram上載咗張姊妹團「10人」大合照，留言：「期待已久的姊姊相！Sister love ❤️ 世間上最美好的愛之一！謝謝你們大家無論高山低谷都與我同行～」
當中嘅亮點就係苟姑娘拼埋嘉欣上去，仲好有心思搵咗張嘉欣手擺腰間嘅大肚相，姿勢睇落同姊妹團差唔多，真係超有心！
網民都話好搞笑，對於苟姑娘呢個舉動覺得好窩心，終於人齊咁話喎！
(on.cc)
