「大台處女黨」繼苟芸慧(苟姑娘)上月與賽車手陸漢洋結婚後正式解散，不過姊妹情不變，仲改名叫「索爆人妻團」。
新婚嘅苟姑娘休息一輪後，噚日下午終於再有機會與幾位姊妹聚餐見面，目的係提早為岑麗香同李亞男慶祝34歲生日。
香香同亞男都係今個月生日，亞男臨盤在即，難得大家都抽到時間，苟姑娘同王君馨就book咗一間靚餐廳，訂埋有綿花糖同Macaron嘅超甜蛋糕，一齊分享double喜悅！
仲唱埋生日歌兼互送飛吻慶祝，非常開心！苟姑娘開心留言﹕「I love you girls! 」
而五姊妹當中，獨缺鍾嘉欣。已為兩個小朋友媽咪嘅嘉欣現在長居溫哥華，顧住湊仔，連苟姑娘嘅婚宴都未能參與。
不過，苟姑娘仍然好掛住對方，今日喺ig貼上姊妹團大合照，仲特意key埋嘉欣嘅相上去，佢就話﹕「期待已久的姊姊相！Sister love世間上最美好的愛之一！謝謝你們大家無論高山低谷都與我同行 ～ #感恩的心 #感恩有你 #sisters #love」(相關新聞：https://goo.gl/9hxa2n)。
(Apple daily)
