【被指在車廂親熱】劉穎鏇一講胡㻗即激動落淚!

    港姐劉穎鏇被傳媒拍得與大鼻港男胡㻗於西貢疑似車震!

    劉穎鏇現身電視城接受訪問,初頭都笑住影相。

    她無承認胡㻗是男友:「係一個好朋友,佢係好男仔。」

    「大家係好好嘅朋友,相識咗,我哋係同一年嘅港姐、港男,之後仲一齊上訓練班,《兄弟》佢都有份演出。(唔係拍拖?)大家係好朋友,可能都係鬼鬼,所以好傾得埋。(咁夜去銀線灣傾偈?)我哋真係冇話特別要去邊度,亦都唔覺得嗰度有咩唔好,或者會產生咩誤會,自己唔熟悉香港。」

    「(諗住去胡㻗屋企?)梗係唔係。(傾啲乜?)我都有講依家讀番書,壓力真係大咗好多,第一套劇仲要係台慶劇,又期待又緊張,都係傾呢啲嘢。(胡㻗幫唔幫到你?)我哋不嬲都傾得埋。(咁夜去咁僻唔驚人哋誤會?)我唔知嗰個地方會令到人誤會,唔係特登去,亦都冇咁嘅必要,大家係好朋友冇必要匿埋。可能我住將軍澳,佢又住附近,嗰晚我食我完《兄弟》飯,大家又差唔多走,所以佢就車埋我,之後大家就傾偈。」

    講到被指「車震」?她說:「其實呢兩個字點解?」隨後記者向她解釋,劉穎鏇則哭着說:「點解?我哋係喺架車上面,大家傾偈,但係點解會有呢兩個字出現,我喺美國嚟到香港工作,作為一個新人好努力工作,唔想大家對我誤會。」

    她又講到為何會在車上縮低個頭:「當時同佢喺車上傾偈,有人出嚟用好閃嘅燈係咁影,好似睇鬼片咁,好恐怖,我又唔知佢係咩人,好恐怖!唔知點解縮低個頭,會令大家有咩誤會!(唇膏甩晒喎?)識我都知,我平時唔搽唇膏。」

    不承認胡㻗是男友?

     

     

     

     

     

     

    (on.cc)

    SHARE