凌晨12點，兩位當事人終於同步喺社交網上載甜蜜合照認愛，原來今日已經係佢哋拍拖一周年紀念日！佢哋分別PO相留言：「沒計劃那麼遠 聯起兩個世界便一起探險#一週（周）年快樂 #20181115」、「You make me perfect.（你令我完美）#20171115」
其實之前已經被爆攬實男友搭港鐵，不過一直未有公布戀情。
中葡混血兒麥嘉欣(Sofia Paiva)上年代表澳門參加國際小姐，當時網民激讚佢生得標致，被網民推舉為「澳門小姐」，人氣急升。
同麥嘉欣拍拖搭港鐵嘅大隻男名叫李嘉豪(Kyle)，Kyle係16年國際先生香港代表，佢哋都係透過一個澳門選美聯盟認識。
李嘉豪現時係現役甲一排球員，所屬仁濟球會，同時亦有做模特兒，之後殺入娛圈，參演過Viu TV《瑪嘉烈與大衛系列前度》，今年1月，同童愛玲做舞台劇《金星撞火星》演小鮮肉，而且劇中更同大佢20年嘅童愛玲有感情戲。
直至凌晨12點，兩位當時人終於同步喺社交網上載甜蜜合照認愛，原來今日已經係佢哋拍拖一周年紀念日！
相中李嘉豪從後搭住Sofia膊頭，個頭亦貼實女友，而Sofia就露出甜到漏嘅笑容，李嘉豪留言：「沒計劃那麼遠 聯起兩個世界便一起探險#一週（周）年快樂 #20181115」。而Sofia亦留言：「You make me perfect.（你令我完美）#20171115」。
網民就留言：「俊男配美女，襯到絕呀！」
(綜合報道/on.cc)
