【仲tag埋…】大鬧王敏奕:你條八婆做過咩心照!

    26歲嘅王敏奕同曾國祥拍拖四年,雖然兩人年齡相差13載,但拍拖多年一直甜蜜蜜,曾志偉亦似乎已經認定呢個新抱仔。

    不過,本土Rapper火炭麗琪,今朝就火氣好猛咁喺Ig Story貼文鬧爆王敏奕……當然唔少得粗口,火炭麗琪仲怒tag埋王敏奕,擺明向佢開火。

    至於火炭麗琪留言嘅內容,大致係話王敏奕拆散咗前度男友同另一半,佢留言話「你真係臭x嚟0架!你個ex真係要多x謝你啦!又拆x散人哋喇!你條八婆自己做過咩心照!你啲xx花生上面!」咁多「x」可以想像幾咁兒童不宜。

    咁究竟王敏奕係搞散咗火炭麗琪同男友吖,定係火炭麗琪代友人出頭呢?其實到依家都係唔清楚,不過貼文一出,網民第一時間圍埋剝花生,開post討論呢件事嘅來龍去脈,有人仲話火炭麗琪之前都試過喺Ig Story寫,話王敏奕有男朋友仲想搞返個ex!

    花生仲有一大包,網民又點會冇嘢爆,有人就話王敏奕初中已經喜歡結識外籍男友。後來對方識唔到班,加上又有第二個外籍同學入讀,王敏奕就移情別戀,但讀到中七畢業又同對方分手。

    (Apple daily)

    SHARE