湯怡跟洪卓立日前宣布結束11年情，曾經以為佢哋打風都打唔甩，差在幾時宣佈結婚，不過正因為咁，令粉絲大為震驚！
之後隨即引起很多揣測，甚至兩人同門好友陳家樂都被扯落水，指佢最近頻頻孖住湯怡出席活動而鬧出緋聞(相關新聞:https://goo.gl/S1FczK)。
好多粉絲仲抽絲剝繭，想搵出兩人突傳「分」訊的原因。不過湯怡同洪卓立二人都封口不提。
之後有讀者爆料，聲稱湯怡有男性密友，兩人穿上情侶波鞋去跑山，還提供兩張照片，兩人都係企隔籬，當中仲見到歌手馮允謙同DJ Donald。
據知對方叫Gavin So，原來佢同圈中人都有關係，係王菀之嘅叔仔，即係佢老公Eric So（蘇卓航）嘅胞弟，Gavin任職連鎖食店高層，已婚同有一子，同圈中人蔡穎恩、徐濠縈、DJ細So等人相當熟稔。
湯怡嘅經理人霍汶希回覆：「嗰個朋友我哋都好熟㗎，佢哋只係行山友，而且一直有運動品牌贊助佢哋，所以佢哋都會着呢個品牌去行山、跑步，人哋結咗婚，唔好亂寫。」
相關新聞:
【宣布分訊後首現身 洪卓立強顏歡笑 急賣…】https://goo.gl/dH8Ubh
【傳有第三者 洪卓立一提到湯怡即激動落淚】https://goo.gl/cNghPd
(on.cc)
