【頻頻投訴老公】吳若希忍無可忍終於⋯

歌手吳若希（Jinny）不時喺公開活動投訴老公Alex，一時話被對方背叛，一時就話未婚時老公同時追兩個，最近嗰次就呻唔接佢機，將家事搬上枱，數到老公一文不值！

忍無可忍嘅佢今次出招「警告」老公，上載咗張一家三口「溫馨」合照。

見到Alex畀兩母女騎住「大石砸死蟹」，變咗食物鏈最底層郁都冇得郁，睇嚟Jinny要話畀Alex知邊個先係一家之主！

網民都話：「淼淼既（嘅）眼神係可憐Alex 但你個樣好明顯係嘲笑Alex」、「呢張相睇到你地（哋）各人係屋企既（嘅）地位」，笑容背後原來暗藏殺機！