洗米嫂陳慧玲今個月1號38歲生日，全家總動員慶祝，當然包括洗米華周焯華都有在場，洗米華除咗率領家庭成員唱生日歌。
仲親手為洗米嫂戴上一套花型圖案嘅鑽石頸鏈及戒指。
相隔約兩個星期，佢哋又有合照喇！琴日澳門舉行格蘭披治大賽車決賽日，呢個活動係由洗米華間公司冠名贊助，一家人理所當然有去睇比賽。
洗米嫂晚上喺社交網貼咗好多相，除咗有同Paco合照，仲見到楊千嬅、袁偉豪、胡定欣。
不過最最最重要係同屋企人合照，雖然大女唔喺度，但就有洗米華、大仔同孻女，甜蜜程度一啲都唔比上次生日會輸蝕!
洗米華同洗米嫂兩個好親密啊！細女又越來越cute!
（apple daily）
