【Bob余德丞陳貝兒麥美恩圍住學】全城熱捧 汪明荃「汪阿Tag」狂洗版

71歲嘅汪明荃(Liza)最近成為IG紅人,自從佢喺IG自創咗一套獨特手寫Tag人方法後,唔少後輩都紛紛爭相模仿,Liza姐更被封為「汪阿Tag」。(相關新聞:https://goo.gl/PXUNbP

廣告

昨日陸浩明(6號)有幸同Liza姐主持台慶,當然要把握機會向佢請教獨創Tag人技巧啦!6號就拍片同大家開心Share,仲留言:「台慶special 👍 阿姐教你如何Tag相 實用video 💪😍😍」

片中見一班台慶主持如林盛斌、麥美恩、陳貝兒、余德丞等,趁綵排時空檔圍住Liza姐,而Liza姐就揸住部手機好認真係咁督。

原來佢喺張相上揮緊筆寫各人個名!

廣告

介紹主持

行頭…

雙料視帝袁偉豪!

點少得雙料視后黃智雯呀!

而家個個一打開個Instagram(俗稱IG),都會畀IG紅人汪明荃自創嘅「汪阿Tag」Tag人方法洗板式咁攻陷社交網!阿姐真係阿姐,可以玩到出神入化!

洪永城上載與蔡思貝及徐榮等人合照

靚媽官恩娜都有加入「汪阿Tag」行列

首先呢排忙於拍戲嘅藝人蔡卓妍(阿Sa),有好友容祖兒同埋關智斌探班,一班老友影完合照後梗係放上社交網Tag人啦!但佢哋就唔係寫自己名,阿Sa自封係「阿傻」,仲Tag容祖兒做「煮鵝」!

而陸浩明就上載同出爐雙料視后黃智雯同埋汪明荃、鄭裕玲影合照,寫住汪明荃係「IG紅人」,而鄭裕玲就叫「靚靚Do姐」,真係好識做!

而歌手雨僑就因為同好多人合照,結果連人都話Tag唔到:「十個人點Tag呀?」

睇嚟雨僑要上汪明荃個IG學吓嘢喇!

 

 

 

 

 

(ig / 綜合報道)