【有「汪阿Tag」原來係因為…】Do姐爆料:汪阿姐親力親為「Tag」人

    因為一個Tag而成為IG紅人嘅汪明荃(汪阿姐),引領全城熱玩「汪阿Tag」,喺相片上用手寫人名當tag,大家跟還跟,但知唔知點解阿姐當初要咁tag人先?

    鄭裕玲(嘟嘟)就喺節目爆料,原來係因為汪阿姐開咗IG之後,唔少人都叫佢合照後hashtag番佢哋,但阿姐就話:「唔係想領導潮流,成日畀人叫hashtag,我都唔知咩叫hashtag!」

    而阿姐本身就有個「明荃之友」網站,公務繁忙嘅佢不時出席政商界活動,會同唔少名人合照,所以佢一向都會咁樣落名畀「明荃之友」搞手認人上載照片!

    嘟嘟仲話阿姐親力親為「Tag」人,當日夜收工,阿姐就話返屋企搞,點知搞到凌晨點幾2點!

    正所謂「活到老學到老」,阿姐依家玩IG玩到出神入化,仲識得tag「我就是ig紅人」,緊貼潮流不特止,識玩一定係做Leader!

    (on.cc)

    SHARE