藝人鍾麗緹於2015年被爆撻著細佢12歲嘅張倫碩，最初呢段姐弟戀不被看好，不過二人用行動證明一切。之後喺2016年11月終於修成正果，兩人時不時都會曬下恩愛放下閃，網民亦由唔接受到紛紛送上祝福。
鍾麗緹已經有三個囡囡，但佢坦言好想為張倫碩誕下一個寶寶。不過48歲嘅鍾麗緹屬於高齡產婦，甚至懷孕的機率都十分小。
佢年中被拍到進出婦產科，佢坦言正積極努力備孕，要調理好身體，甚至去咗美國嘗試做試管嬰兒。
不過之後傳出20歲大女Yasmine反對媽媽生第四胎，佢就承認「老大」較擔心，但佢覺得人生要開心、要挑戰，大家庭會更熱鬧。
呢日鍾麗緹於微博大曬剪短一頭短髮照片。
佢留言話：「新的發型我不習慣，你們喜歡嗎？哈哈哈哈」
立即令網民懷疑佢再度懷孕，更有不少網民留言問是否有喜事？又有人指短髮於懷孕期確實易打理。
(綜合報道/weibo)
