【爸爸李亞鵬話一切尊重女兒意願】李嫣:我長大了

    天后王菲同前夫李亞鵬所生嘅囡囡李嫣不知不覺已經12歲喇!
    年紀輕輕已經獲唔少品牌睇中邀請行騷,早前佢就去到巴黎替品牌行catwalk。

    氣場十足!

    而最近佢仲首度登上雜誌封面…

    12嵗李嫣好似媽媽王菲一樣咁有星味!

    而喺今次拍攝嘅相,李嫣換上多套服裝,大晒少女青春氣息,唔少網民都大讚佢愈嚟愈有王菲嘅氣質,好有天后嘅影子,而樣貌就好似爸爸!

    李嫣轉眼間已變成少女,佢接受雜誌訪問除咗分享生活,仲想同關心佢嘅人講一聲:「我長大了,謝謝!」

    隨即被網民猜測李嫣係咪正式出道,事關於9月嘅時候,爸爸李亞鵬接受訪問,被問到是否期待女兒加入演藝圈時…

    佢回應就話一切會尊重囡囡李嫣意願,早前行騷多係為咗慈善公益:「跟她進不進娛樂圈沒關係」!

     

     

     

     

     

     

     

    (綜合報道)

    SHARE