無綫台慶劇《是咁的，法官閣下》正熱播中，演員之間都擦出唔少火花。
王君馨演技備受讚賞，同男主角黃智賢好有火花。
日前無綫於big big channel上載爆笑NG片段，多位演員都非常搞笑！
藝人梁烈唯、王梓軒合作一場兩人對談戲中，梁烈唯原本按住王梓軒的心口，教對方點樣擦鞋，點知竟然變成摸心口，唯唯係咁捽王梓軒的心口。
而對方當然亦不甘示弱，起勢咁捽番對方心口，基味超濃，但亦十分好笑！
而於戲中飾演法官嘅泰臣，當時有人講錯「法官腳下」…
他即刻接到，然後話：「我腳下冇嘢呀。」令場面更加爆笑！
除咗佢哋之外，大小姐林淑敏都有NG片段曝光。
林淑敏「衰咗」之後，會以「大小姐」口吻「鬧」番自己：「點解會咁㗎！」 超好笑！
（綜合報道）
