【趁生日公布⋯】王祖藍:老婆辛苦了

    王祖藍同李亞男喺2015年拉埋天窗,婚後一直積極造人~

    終於喺今年7月報喜!宣布佗B女~

    唔少網民都估BB究竟會似爸爸定媽媽?答案終於公開,個樣同祖藍相似度達八成!


    今日25號就係李亞男嘅34歲生日,踏入零時零分王祖藍喺社交網留言:「老婆辛苦了,生日快樂」

    佢仲PO咗張B女嘅4D超聲波照畀大家睇,張相最突出嘅都要數個鼻,因為同老竇祖藍一樣有個大鼻仔,再配埋厚厚嘅嘴唇,真係好似翻版小祖藍!

    佢哋仲擺埋同B女一樣嘅側頭甫士相上社交網,等網民自己睇吓似邊個多啲。

    好多網民都話個鼻同爸爸似到十足,不過下巴尖尖就似媽咪。

    (綜合報道/on.cc)

    SHARE