【離離合合再復合!】被捕獲喺中環街頭十指緊扣

二人育有一子Charles,12年女方向外宣佈離婚,不過到14年,佢哋被傳媒影到翻撻攬腰銅記撐枱腳,感情撲朔迷離!

短暫復合後,再度分開,依家絕少提及感情狀況,不過就被爆原來再度復合!

二人仲被捕獲喺中環蘇豪街頭十指緊扣。。。

曾活躍ball場名媛榮雪梅(Helen)同意大利籍老公Stefano育有一子Charles,二人結婚期間,雙方都各自有婚外情,佢就訴苦因自己「易o氹」,婚姻後期5年分開近9次,而佢更發現丈夫褲袋藏安全套揭發有婚外情。

直到12年女方向外宣佈離婚,不過到14年,佢哋被傳媒影到翻撻攬腰銅記撐枱腳,感情撲朔迷離。Helen同Stefano短暫復合後,再度分開,之後又再結識第二春,不過又係外籍人士,更被傳媒影到同新歡態度親暱,拍拖放狗生活,而自己亦不忘keep fit,保持體態。

而Stefano當年離婚後亦曾被影到與外籍女士親密夜蒲。

48歲嘅Helen已經低調淡出社交圈,就算偶爾出席社交活動都絕少提及感情狀況,原來Helen同Stefano再度復合,日前佢哋就直擊二人喺中環蘇豪街頭十指緊扣,當時大概下午4點幾,身穿黃色碎花連身裙同Stefano喺一商廈行出嚟:

「佢哋兩個喺擺花街一座商業大廈行出嚟,見到佢哋係十指緊扣,佢哋並肩而行,榮雪梅警覺性好高,不時四圍望,好驚有人影相咁,佢哋手拖手向住蘭桂坊方向行。」

(Apple daily)