卓林與母親吳綺莉關係決裂，今年4月孖同性女友Andi出走加拿大後，過住顛沛流離嘅生活，聲稱無家可歸嘅卓林，更喺YouTube拍片尋父親成龍，之後，佢又俾人影到拖住買餸車到垃圾站，疑似「拾荒」。
曾被媒體拍到在街上靠拾荒來維持生活
其後有消息指，卓林同Andi喺溫哥華居住其間曾經欠租兩個月，搞到俾屋主趕走。
早前卓林facebook突然改姓氏，由「Etta Wu」變成「Etta Zen」，疑似改姓。
對於卓林在fb改姓一事，吳綺莉僅以心型和花花圖案回覆，記者祝佢開心及身體健康，吳綺莉表示：「大家都要。」
早前曾發訊息俾香港十幾間公關公司，表示希望可以返港後獲邀出席活動嘅卓林同Andi已經返咗香港喇。
對於改姓一事，有傳媒就向已返港嘅卓林求證，不過卓林就回覆話唔關事，改呢個名純粹因為自己鍾意，間接否認同生父有關。
(綜合報道/Apple daily)
