近年已經好少喺香港螢幕見到佢，不過最近有份拍攝《神探大戰》，同劉青雲、林峯、阿Sa等合作！
曾經喺1995年同古天樂合演《神鵰俠侶》，佢飾演嘅「小龍女」姑姑實在太深入民心，令到香港觀眾時時都咁掛住佢！
「姑姑」李若彤呢日就喺微博上載幾張靚相，睇相見到佢應該拍緊新節目，仲上載咗一張同古天樂嘅劇照。
佢話節目會喺12月中播出，令網民好奇佢究竟拍緊咩，仲話無論佢做咩都好，都會十分支持！
不過最令大家好奇嘅係，冇見姑姑一排，佢又靚咗啦，唔單止精神飽滿，而且仙氣有增無減，睇到網民心心眼，究竟係點做到嘅呢？
(綜合報道/weibo/on.cc)
