蔡少芬（Ada）同老公張晉結婚十年，婚後一直都咁Sweet，大女楚兒（湯圓）依家7歲，細女信兒（包子）亦已經5歲。
湯圓同包子一向都好乖，早前仲同媽媽一齊參加內地親子真人騷《不可思議的媽媽2》，兩姊妹醒目又聽話，唔少網民都好鐘意佢哋！
不過原來兩個囡囡咁犀利！
估唔到佢哋仲識煮嘢食～
Ada就喺社交網PO咗3張喺屋企玩煮飯仔嘅相，不過煮嘅人唔係佢，竟然係佢兩個囡囡！
大女楚兒（湯圓）
相中見女兒拎起鍋鏟炒餸有板有眼，睇得出訓練有素，再睇埋出嚟嘅製成品賣相非常吸引，果然係盡得「美女廚神」媽媽嘅真傳！真係好叻女呀～
細女信兒（包子）
另外，有網友留意到兩個女兒都剪短咗頭髮，仲同樣着上紅色上衣，側面相當似樣，網民仲大讚兩個女兒愈大愈似媽媽添！
(綜合報道/weibo)
