【原來係米雪送㗎!】李漫芬甜絲絲:老公唔會畀我做家務

藝人李漫芬(Fanny)上年2月與圈外男友談成坤(Alvin)拉埋天窗,囡囡談在心喺今年愚人節出世!一家三口幸福美滿~

囡囡話咁快已經七個幾月大,精靈又可愛!

仲遺傳咗媽媽嘅演藝天分,好識擺POSE!

老公就梗係錫哂前世小情人啦~

不過唔單止錫囡囡,佢更錫老婆,果然係廿四孝老公同爸爸!

Fanny日前擔任聖誕活動司儀,活動結束後Alvin到場接老婆放工,佢笑笑口話:「老公放工時間同我工作時間脗合,所以陪我開工,幫我影相,活動完之後我哋就去拍拖,睇BB用品,好開心。」

佢甜絲絲咁多謝老公:「佢唔會畀我做家務,佢又要返工,我都可以趁個女瞓咗恰吓,佢完全冇,我哋一齊努力,佢又會心痛我,我知佢辛苦,但佢冇呻過。」言語間透露出佢幾咁幸福,果然甜到漏!

Fanny仲透露身上嘅靚裙原來係米雪所贈:「條裙係米雪姐送嘅,送咗好多年,係好靚嘅做騷裙,一直未有機會着,今次客戶話想我着粉紅色裙,最終揀咗呢條。」

(綜合報道/on.cc)