【暗示係BB…】鄭嘉穎:心情開心過攞獎同中六合彩

    鄭嘉穎同太太陳凱琳早前雙雙於社交網上向大家宣佈成功造人,即將榮升做爸爸媽媽。

    鄭嘉穎今日宣傳電影時接受傳媒訪問,心情大靚嘅佢同大家講定恭喜發財,佢話:「心情開心過攞獎同中六合彩,難以形容,好喜悅非筆墨能形容,太太叫我唔好講咁多關於BB嘅嘢,佢比較緊張,大家問返佢,依家全家上下都緊張到不得了。」
    並透露太太Grace身體狀況一切正常,但訪問過程中佢就好驚自己講錯嘢,而好友黃智賢就曾經暗示鄭嘉穎呢胎係… (相關新聞:https://goo.gl/SxdBwg
    嘉穎第一次從超聲波睇到BB個樣,係一個難忘經歷,佢都有向身邊朋友取經,因為身邊唔少人都已經係爸爸身份,好同唔好嘅榜樣都有晒。
    嘉穎話:「依家開心多過緊張。」至於問到BB係咪仔?佢就話:「你問我太太啦,佢叫我唔好講咁多,交畀佢講。」
    佢已經計畫攞假陪太太生產,有機會入產房,但詳細如何仍未知道,而實際預產期佢只肯透露係豬年,其他叫大家問返太太。
    (綜合報道)
    SHARE