藝人陳凱琳（Grace）和陳慧琳（Kelly）出席香水品牌活勳，Grace是宣佈有懷孕後首次現身公開活動，Grace穿上一件露肩白色大花造型連身褲，正正遮住她微隆的腹部，但仍然穿上4吋高跟鞋赴會，性感搶鏡！
在台上司儀恭喜Grace快將做媽媽，Grace稱現心情興奮又緊張，但自爆懷孕後情緒好波動需要減壓起。而在旁的Kelly即好奇地問她如何波動？
Grace回答：「日日高高低低轉數好快。」Kelly即表示當年自己懷孕時好易眼瞓，經常要瞓覺。而Grace表示仍冇好多角色想演，生完BB後會工作。過來人的Kelly忍不住說：「你唔會想拍戲，肯定冇可能，你係唔會捨得走，一日都唔想離開。」
之後Grace接受訪問，講到情緒她稱看卡通片時有感動位都會喊，但老公鄭嘉穎就好冷靜話大肚會有情緒好正常：「仲話作為演員要記住呢種感覺，到時有機會用得番。」問結婚時是否已經有喜？她謂：「呢個唔講喇，依家穩定佗B。（預產期？順產？）之前都低調，都要再同醫生夾，都會喺香港生，方便雙方家長照顧。」又問Grace現時懷有幾多個月身孕？Grace話：「超過3個月。」
Grace避談奉子成婚，似乎…
講到黃智賢（Ben）爆料鄭嘉穎在Grace照超聲波時大嗌「好大條呀！」Grace笑言：「預咗佢會周圍同啲Friend講，所以Ben講出嚟都唔出奇囉！（咁知道仔定女未？）知道，但遲少少先公布。（係咪大條嘢？）到時話你聽。」
問鄭嘉穎由當她公主再升呢女王？Grace笑言：「係更加細心體貼，好彩自己未太野蠻，話要凌晨想食乜嘅要求，唔敢，怕要還。」講到鄭嘉穎12月要出埠工作，她稱如安全可以的話都會一齊飛，想陪老公，亦搵藉口當去旅行。
期間身材升級？她坦言：「發覺出街時唔知係咪自己敏感，好多人都會望住自己條腰同嗰度（胸）。」
她稱今天服飾不是刻意遮肚，因她本身比較瘦，所以好快見肚，感覺好硬淨，好得意。（着4吋高跟鞋？）嚟到先換，出面放咗對平低鞋嘅。」
問可有向Kelly取經？她謂：「未有機會，但自己就忍唔住爆當年鄭嘉穎嘅笑料畀Kelly聽，喺拍拖初期成日嗌錯佢中文名叫陳慧琳，咁都開心嘅做陳慧琳，但都嗌到第三次嘅時候就我就同佢講，我個中文名係陳凱琳呀！」問BB改咗名未？她稱中文名會交雙方家長決定。
(綜合報道 / on.cc / apple daily)
