【皺晒眉頭好難為】網民:美恩打從心底好鍾意你!

    近年向綜藝節目發展的麥美恩(Mayanne)事業漸入佳境,參選港姐後入行七年,由娛樂新聞台主播做起,主持地位終於獲得肯定。唔少網民都Like佢「傻大姐」嘅性格夠哂率直可愛!

    尋日佢率先同壽星仔預祝咗生日。見到Mayanne瞇埋眼、嘟晒嘴咁,究竟係同邊個慶祝咁有誠意?

    原來今日係森美45歲正日生日,森美昨日喺社交網曬相留言話:「預祝生日 真係有福啦!佢同我慶生 行運啦!」

    相中森美打哂煲呔,而Mayanne就着上低胸吊帶裙超省鏡!


    同場仲有吳若希!

    不過…有後生女陪慶生嘅森美雖然口講行運,但相中嘅佢就似乎唔多受落,皺晒眉頭擺出一副愁樣,好難為咁喎!

    而網民亦似乎睇得穿森美嘅內心,踢爆佢話:「扮乜嘢?!你內心深處其實好歡喜呢個妹妹仔嘅」、「你其實想正日佢同你慶祝嘅」,更忍唔住話:「美恩打從心底好鍾意你!」

    當然唔少得同爸爸媽媽一齊慶祝啦!


    個生日蛋糕好Cute呀!仲有好拍擋小儀!

    (綜合報道/on.cc)

    SHARE