佢今日接受訪問時話：「一開始佢係冇留意我望住佢，因為之前我post塞車相，有fans提我要小心嗰塊鏡（司機位前另外安裝），正常係望後面乘客，但佢塊鏡整低咗，我見佢望住我，已即時用袋遮住。」Larine坦言好嘔心，但又唔敢即場同對方爭拗，只好死忍到落車，佢話：「唉，真係唔敢話佢，唯有坐多啲港鐵，亦奉勸各位女士搭車記得留意，小心保護自己。」
「影壇新丁」鄧月平（Larine）身材好好，平時出街已經好多人眼望望，佢曾經透露讀書時期經常遭受同學欺凌，甚至非禮，搞到好唔開心。
聽日就係Larine嘅21歲生日，今日坐的士時疑遭的士司機從倒後鏡偷窺裙底，搞到佢好驚，大罵對方係「黐線佬」！Larine喺Ig story貼上司機嘅背面，仲圈咗倒後鏡影到司機對眼。
Larine留言：「我係咪應該轉道去差館，個司機瘋狂裝我裙底，拍片又錄唔到，但會嘗試再拍。全程龜速冇車都Keep住慢駛，黐線，好恐怖，裝鏡仔（目及）裙底。」Larine原本坐喺左邊後排座位，發覺唔對路就坐去司機正後方，利用盲眼位擋住司機視線。雖然冇片，但Larine亦提出其他理據，佢話就算當時冇其他車，的士司機都係龜速行駛；佢又話落咗車，自己唔行司機就唔行，司機仲口噏噏咁鬧佢，質疑個司機東窗事發所以鬧佢。
之後去咗搭港鐵。
(Apple daily)
